მომავლის მენეჯერი

სასწავლო კურსი ორიენტირებულია მსმენელებში პრაქტიკული მენეჯერული უნარების ჩამოყალიბებაზე. კურსი შედგება ოთხი მოდულისგან: საწარმოსა და ბიზნესის მართვა; ორგანიზაციული მემენჯემნტი, ფინანსური მენეჯმენტი და მარკეტინგინგული მენეჯმენტი.  თითოეული მოდული უზრუნველყოფს როგორც ახალბედა-დამწყებ, ისე მოქმედ ბიზნესმენებს ბიზნესის მართვის ხელოვნების დაუფლებაში. კერძოდ, პირველი მოდული კონცენტრირებულია ბიზნესის მართვის ფუნდამენტალურ საკითხებზე:  რა არის მენეჯმენტი; რა ორგანიზაციულ-სამართლებრივი ფორმებით ხორციელდება ბიზნესი; როგორ უნდა შემუშავდეს სწორი საკადრო პოლიტიკა; რა გავლენის მოხდენა შეუძლია მოტივაციის ფაქტორს ბიზნესის შედეგებზე და როგორ მოვახერხოთ მოტივირებულ თანამშრომელთა გუნდის ჩამოყალიბება; როგორ წარმოებს კომუნიკაციისა და გადაწყვეტილების მიღების პროცესი ბიზნესში. მეორე მოდული ეთმობა ორგანიზაციული  მართვის საკითხებს და ძირითადი აქცენტი კეთდება მართვის ფუნქციებზე: დაგეგმვის, ორგანიზების, ლიდერობისა და კონტროლის პროცესზე, რომელთა სწორი განხორციელება უზრუნველყოფს ორგანიზაციის კონკურენტუნარიანობას ბაზარზე. მესამე მოდული მთლიანად ეთმობა ფინანსების მართვის საკითხებს. მსმენელი შეისწავლის ფინანსების ანბანს და მიღებული ცოდნის საფუძელზე შეძლებს ზემოთ აღნიშნული პროცესების ციფრების ენაზე გადაყვანას, წაკითხვას, გააზრებას, შეფასებასა და შესაბამისი დასკვნების გამოტანას. მეოთხე მოდული ორიენტირებულია მსმენელებში იმ პრაქტიკული უნარების განვითარებაზე, რომელიც აუცილებელია მომხმარებლებთან გრძელვადიანი მომგებიანი ურთიერთობების ჩამოსაყალიბებლად.